Debat për rregulloren e Kuvendit/ “Parlamenti s’mund të jetë tekë”, Bardhi: Keni shkelur Kushtetutën, ndryshimet nuk janë emergjente

Është shoqëruar me debate mbledhja e zhvilluar për rregulloren e Kuvendit, këtë të martë.

Gazetari Osman Stafa tha për News24, se Gazment Bardhi gjatë fjalës së tij është shprehur se ndryshimet e rregullores nuk janë emergjente dhe se Gjykata Kushtetuese nuk e ka zbardhur ende vendimin.

“Me vetëdije ju e keni shkelur Kushtetutën. Dhe jo një herë, por dy herë. Me 8 me 0, Gjykata Kushtetuese ka thënë se Kryetari i Kuvendit e ka hedhur në erë Kushtetutën. Pra, Gjykata Kushtetuese na dha të drejtë për shkarkimin tuaj, por ju e keni rrëzuar atë me votë politike.

Prandaj, ndryshimet e rregullores nuk janë emergjente, sepse Gjykata Kushtetuese nuk e ka zbardhur ende vendimin. Pra, nuk ka çështje urgjente për ta trajtuar. Po ju them: Gjykata Kushtetuese nuk e ka zbardhur vendimin. Prandaj, jua kërkoj me mirësjellje të bëheni garant i Kushtetutës. Parlamenti nuk mund të jetë tekë”, ka thënë mes të tjerash Bardhi.