Dy persona janë arrestuar nga policia e kryeqytetit. Blutë bëjnë me dije se një 21-vjeçar u vu në pranga pasi iu gjet 1 armë zjarri pistoletë, me municion luftarak, që ai e posedonte pa leje.
Ndërkohë e ka pësuar edhe drejtuesi i mjetit, për mos kallëzim krimi.
Njoftimi:
Shërbimet e Forcës së Posaçme “Shqiponja”, (Njësia “Shigjeta”), në vijim të punës për identifikimin dhe ndalimin e shtetasve që qarkullojnë me armë pa leje, bazuar edhe në informacionet e siguruara në rrugë operative, në bashkëpunim me Komisariatin e Policisë Nr. 6, organizuan dhe finalizuan operacionin e koduar “Back Side”.
Gjatë operacionit, në Qafë Kashar, u ndalua automjeti me drejtues shtetasin E. A. dhe pasagjer shtetasin E. L.
Gjatë kontrollit fizik, shtetasit E. L. iu gjet 1 armë zjarri pistoletë, me municion luftarak, që ai e posedonte pa leje.
Në përfundim të veprimeve procedurale, u arrestuan shtetasit:
-E. L., 21 vjeç, banues në Shkodër, për veprën penale “Mbajtja pa leje dhe prodhimi i armëve, armëve shpërthyese dhe i municionit”;
-E. A, 23 vjeç, banues në Shkodër, për veprën penale “Moskallëzimi i krimit”.
Materialet procedurale i kaluan Prokurorisë, për veprime të mëtejshme.
and then