Zoran Zekiç do të prezantohet te Sarajevo. Trajneri kroat ka ndarë përfundimisht mendjen për t’u rikthyer tek ekipi i fundit që drejtoi.
Partizani e tentoi kroatin deri në fund. Madje gjatë kësaj kohe ishte edhe pista kryesore. Sot ndërkohë pritet të udhëtojë drejt Bosnjës për t’i hapur rrugë zyrtarizimit.
Paga shumë e lartë në krahasim me çfarë ofrohet në Shqipëri, dëshira e madhe e tifozëve boshnjakë dhe pjesëmarrja në kualifikueset e Europës, bënë që të zgjedhë Sarajevon.
Zekiç qëndroi pa ekip gjatë këtij sezoni. Dhe për Sarajevon konsiderohet si rikthim i bujshëm.
Te Partizani sillte po ashtu nostalgji si trajner. Kroati bëri mirë pasi shkoi deri në “play off” të Ligës së Konferencës me të kuqtë. Më pas u realizua shitja historike për një trajner, teksa Osijek pagoi 100 mijë euro te “demat”.
and then