U përfshi nga flakët/ Digjet plotësisht një autobus pranë hyrjes së tunelit të Krrabës

Një autobus është përfshirë nga flakët dhe është djegur plotësisht në afërsi të hyrjes së Tunelit të Krrabës.

Nga zjarri autobusi është shkrumbuar, ndërsa ende nuk dihen shkaqet e rënies së tij në flakë. Nuk ka ende informacion të konfirmuar për persona të lënduar.

Në vendngjarje pritet të mbërrijnë shërbimet e emergjencës dhe autoritetet përkatëse, të cilat do të punojnë për shuarjen e zjarrit dhe dokumentimin e rrethanave të incidentit.