Një ngjarje e rëndë ka ndodhur mesditën e sotme në qytetin e Devollit, ku një e moshuar është gjetur pa shenja jete në ujërat e rezervuarit të qytetit.
Sipas të dhënave paraprake nga Policia e Shtetit, rreth orës 12:30 është gjetur trupi i pajetë i shtetases A. K., 82 vjeçe, banuese në këtë zonë.
Nga këqyrja e parë fizike e trupit të viktimës, ekspertët nuk kanë konstatuar shenja dhune apo dëmtime të tjera fizike, ndërsa dyshohet paraprakisht se e moshuara është vetëmbytur.
Grupi hetimor ka mbërritur menjëherë në vendngjarje dhe po punon për zbardhjen e plotë të rrethanave, si dhe për përcaktimin e shkakut zyrtar të humbjes së jetës së 82-vjeçares.
and then