Një 39-vjeçar shqiptar është vrarë me armë zjarri në një atentat të ndodhur në zonën e Orihuela Costa, në Spanjë. Sipas mediave spanjolle, ngjarja dyshohet se lidhet me një larje hesapesh.
Krimi i rëndë është regjistruar pak para orës 13:00, në ambientet e kompleksit sportiv dhe argëtues Playa Flamenca Sport Club.
Mësohet se shqiptari ndodhej në tarracën e një lokali, kur një person i armatosur iu afrua dhe qëlloi disa herë në drejtim të tij, duke e lënë të vdekur në vend.
Pas atentatit, autori, i dyshuar si vrasës me pagesë, është larguar nga vendngjarja me një skuter elektrik. Kjo është bërë e ditur nga dëshmitarët që ndodheshin në zonë në momentin e ngjarjes.
Policia spanjolle ka nisur hetimet për zbardhjen e plotë të rrethanave të atentatit dhe identifikimin e autorit, i cili është shpallur në kërkim.
and then