Te Trabzonspor “kryqëzojnë gishtat”, të shqetësuar për gjendjen e Muçit

Me Maran në stol, Ernest Muçi është vendosur në qendër të projektit tek ekipi përfaqësues. Ylli kuqezi realizoi një super gol ndaj Finlandës, një perlë e vërtetë, që hapi rrugë suksesit 2-0. Për fat të keq, Muçi pësoi një dëmtim, në dukje i rendë, duke bërë që në sfidën e fundit në Grupin C1, atë ndaj Bjellorusisë, ta ndiqte nga tribuna.

Për gjendjen e Muçit tani shqetësohen në radhët e Trabzonspor, pasi trajneri dhe drejtuesit e klubit janë në ankth për të kuptuar shkallën e vërtetë të dëmtimit. Sipas mediave në Turqi, Muçi do t’i nënshtrohet vizitave më të detajuara pasi të zbarkojë në Trabzon.

Sipas gazetarit turk, Tuncel, i cili mbulon nga pranë ekipin e Trabzonspor, prezenca e Muçit në sfidën e radhës, atë kundër Eyupspor më 22 nëntor, është në dyshim, pasi fillimisht pritet konfirmimi zyrtar nga stafi mjekësor i klubit.

Lajmi i mirë për Trabzonspor, i theksuar edhe nga gazetari turk, është fakti që Maran dhe stafi i FSHF-së, morën një masë paraprake, nuk rrezikuan ndaj Bjellorusisë duke mos e përfshirë në grupin e lojtarëve. Dëmtimi i Muçit shqetëson shumë stafin e Trabzonspor pasi bëhet fjalë për një titullar fiks, një nga pikat kryesore të ekipit. Në 11 javë në Turqi, Muçi ka shënuar 3 gola dhe ka dhuruar 6 assiste.



“Arena e Lajmit”

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×