Një imazh i pa publikuar ndonjëherë e mbretëreshës Elizabeth e cila shfaqet shumë e lumtur kur ajo u fejua me Princin Philip është përfshirë në një dokumentar të ri që përmban pjesë që nuk janë parë kurrë më parë në dokumentarët e familjes mbretërore.
Pamja tregon mbretëreshën në atë kohë duke vështruar unazën e saj të fejesës gjatë një pushimi në Kalanë Balmoral në Skoci në vitin 1946 – shumë përpara se të shpallej dasma e saj e afërt.
Dokumentari i BBC, Elizabeth: The Unseen Queen, do të tregojë historinë e Mbretëreshës nga jeta e saj si princeshë e re deri në kurorëzimin e saj. Programi 75-minutësh, i cili do të transmetohet në BBC.
Përveç pamjeve pas fejesës, dy imazhe shtesë nga dokumentari u publikuan të shtunën. E para tregon Elizabeth dhe motrën e saj Princeshën Margaret me babain e tyre të dashur Mbretin George VI në bordin e HMS Vanguard në 1947 dhe tjetra është e Elizabeth duke shijuar një vizitë në Afrikën e Jugut në 1947.
Me akses të ri dhe të paprecedentë të dhënë nga Mbretëresha, BBC thotë se dokumentari do të tregojë udhëtimin e mbretëreshës nga fëmijë deri në kurorëzimin e saj në moshën 27-vjeçare në vitin 1953. Elizabeth u ngjit në fron në shkurt 1952 pas vdekjes së babait të saj George VI.
Filmi shkon prapa skenave të edukimit të saj mbretëror, duke kapur marrëdhënien e saj të ngrohtë me prindërit e saj dhe vizitën e parë të zgjatur të Princit Philip në Balmoral në 1946 pas fejesës së tyre mbretërore. Filmi mbështetet kryesisht në zërin dhe fjalët e vetë Mbretëreshës nëpërmjet shumë fjalimeve publike që ajo ka bërë gjatë tetë dekadave të fundit.
“Është përmes syve të saj dhe me fjalët përgjatë mbretërimit të saj”, thotë një zëdhënës i pallatit. Mbretëresha është në dijeni të prodhimit dhe i dha lejen e saj për përdorimin e imazheve unike, por ajo ende nuk e ka parë filmin, i cili është ende i papërfunduar, thotë një burim mbretëror.
and then