Uillfrid Njonto ishte një nga zbulimet e Italisë në ndeshjet e Ligës së Kombeve të muajit qershor. Sulmuesi i cili prej dy vitesh po shkëlqen në Zvicër me skuadrën e Zyrihut u bë protagonist me Kombëtaren A që në moshën 18-vjeçare e mendohej se do të mund të ndihmonte edhe përfaqësuesen U19 të Italisë në Europianin që po zhvillohet në këto ditë.
Por Zyrihu ia ndaloi pjesëmarrjen, edhe pse ai u përfshi fillimisht në listën e përfaqësueses së Italisë për këtë aktivitet. Ançilo Kanepa, presidenti i skuadrës kampione të Zvicrës, shpjegoi se pse ishte marrë ky vendim drastik për sulmuesin e ri.
“Federata është pak të themi e papërgjegjshme. Uillfrid ka kaluar javët e fundit me kombëtaren e madhe, me të cilën ka luajtur të 4 ndeshjet e Ligës së Kombeve. Tani ka nevojë urgjente për të pushuar”, shpjegoi ai vendimin. “E ruajtëm meqë është në merkato? Absolutisht jo, vetëm për ta mbrojtur”, theksoi Kanepa.
PANROAMASPORT.AL
Loading…
and then