Ikën Korrado Sakone, vjen një përgatitës i ri atletik për Partizanin

Korrado Sakone nuk do të vijojë të jetë pjesë e Partizanit.

Ish-përgatitësi atletik i Napolit, i cili u rikthye në muajin janar te të kuqtë, sipas burimeve nga klubi ka pasur probleme shëndetësore dhe nuk ka mundur të shërohet e të rikthehet në gjirin e ekipit.

61-vjeçari nuk arriti as t’i bashkohet skuadrës në Slloveni për shkak të gjendjes së tij shëndetësore.

Për shkak se koha nuk premton, drejtuesit e Partizanit kanë vendosur të emërojnë një trajner të ri atletik.

Tregu italian është zgjedhur sërish për të zëvendësuar Sakonen.

Kështu, përgatitësi i ri atletik është Marko Korali.

48-vjeçari, me ardhjen e skuadrës në Shqipëri, i është bashkuar stafit teknik të drejtuar nga Dritan Mehmeti.

Korali numëron disa eksperienca në ligat e ulëta italiane, teksa në sezonin e fundit ishte pjesë e Pianeze në Serinë C.

Arena e Lajmit