ZYRTARE/ Kontratë 3-vjeçare, Teuta firmos me futbollistin që e mbylli me Vllazninë

Uheid Hoxha është futbollisti i ri i Teutës.

Mesfushori, i cili mbylli aventurën e tij me Vllazninë, ka firmosur një kontratë 3-vjeçare teksa do ta mbajë të lidhur në Durrës për të paktën deri në vitin 2025.

Këtë lajm e ka bërë me dije vetë klubi durrsak me anë të një komunikate në profilin e tyre të rrjetit social “Facebook” ku njoftojnë arritjen e marrëveshjes me lojtarin 21-vjeçar.

KOMUNIKATA ZYRTARE E KLUBIT TË TEUTËS –

“KF Teuta ka kënaqësinë të njoftojë se mesfushori sulmues, Uheid Hoxha është zyrtarisht pjesë e skuadrës sonë. Klubi ynë ka arritur ditën e sotme një marrëveshje 3 vjeçare me lojtarin 21 vjeçar, lojtari bashkohet me Teuten pasi, ishte pjesë e Vllaznis në sezonin e fundit. 🤝 KF Teuta i uron mirëseardhje mesfushorit #Hoxha dhe i uron shumë suksese me fanelën e klubit tonë. #forcateuta🔵🔵”

– Arena e Lajmit