“Pellgjet’ e gjakut ende në rrugë/ Babë e bir u plagosën nga dhëndri, 30-vjeçari niset drejt Tiranës në gjendje të rëndë, i ati në reanimacion (Emrat)

Një ngjarje e rëndë u shënua mbrëmjen e djeshme në Vlorë, ku babë e bir mbetën të plagosur rëndë me thikë nga dhëndri i tyre.

Duket se një konflikt i çastit fillimisht me 30-vjeçarin Albion Brahushi ka bërë që dhëndri të nxirrte thikën, duke e goditur rreth 10 herë. Më pas në konflikt është përfshirë edhe babai i Albionin, 60-vjeçari Xhevdet Brahushi, i cili po ashtu ka mbetur i plagosur disa herë në bark, gjoks dhe këmbë.

Gazetari Enrik Mehmeti bën me dije se 30-vjeçari është transportuar mëngjesin e sotëm drejt Tiranës, pasi gjendja e tij paraqitet tepër e rëndë.

Ndërkohë babai i tij mbetet në reanimacion në Vlorë, por gjendja e tij ende nuk cilësohet si jashtë rrezikut për jetën. Ndërkohë autori është vënë në pranga disa orë pas ngjarjes së rëndë.