Vllaznia ka arritur një fitore të rëndësishme në garën për Europë duke mundur me shifrat 1-0 Skënderbeun në “Loro Boriçi” ne javën e 31-të të “Abissnet Superiore”.
Pjesa e parë u dominua nga korçarët, të cilët krijuan disa raste, por u mungonte finalizimi. Në fundin e pjesës së parë gjithashtu pati një rast të dyshimtë për 11-metërsh për Vllazninë, por gjyqtari nuk e pa të tillë.
Pjesa e dytë nisi me një gol nga ana e shkodranëve, që rezultoi të ishte i vetmi deri në fund. Gjërat shkuan akoma dhe më keq për korçarët, të cilët ngelën me 10 lojtarë, pas daljes me karton të kuq nga Dumfur.
Elvis Plori kështu merr fitoren e parë në kampionat, duke shkuar 45 pikë, një më pak se Partizani i vendit të tretë, ndërsa Skënderbeu qëndron në Superiore vetëm nga matematika.
REZULTATI:
VLLAZNIA 1-0 SKËNDERBEU
58′ Hakaj
KOMENTI LIVE:
90+5’ Mbyllet sfida!
90+3’ Zëvendësim i dyfishtë te Vllaznia. Largohen Latifi dhe Heriç, në vendin e tyre Çoba dhe Panos.
90+1’ Kruja lëshon një gjuajtje fluturimthi në hyrje të zonës, pot topi shkon mbi kuadrat.
90’ Gjyqtari i katërt akordon 5 minuta shtesë.
87’ Zëvendësim i dyfishtë te Skënderbeu. Largohen Moraesh dhe Mensah, në vendin e tyre Ali dhe Vitija.
82’ Zëvendësim te Vllaznia. Largohet Hoxhaj dhe në vendin e tij futet Kruja.
78’ Da Silva merr një top të bukur nga Aralica, por Rexhepi tregohet i shpejtë dhe i mohon golin e dytë skuadrës shkodrane.
73’ Zëvendësim te Skënderbeu. Largohet Vangjeli dhe në vendin e tij futet Pusi.
71’ Vllaznia pretendon për dy 11-metërsha pas dy ndërhyrjeve në zonën kundërshtare, por gjyqtari nuk akordon asgjë.
70’ Ndëshkohet dhe Aralica me një karton të verdhë pas debateve me Zguron.
68’ Karton i verdhë dhe për Zguron për shkak të fjalëve të hedhura ndaj tifozëve.
67’ Sadriu shkakton një ndërhyrje të gabuar dhe për këtë ndëshkohet me karton të verdhë.
62’ Karton i kuq për Skënderbeun. Dumfur lë ekipin e tij me 10 lojtarë për shkak të një ndërhyrje të gabuar, që sipas arbitrit ishte e pafalshme.
60’ Zëvendësim te Skënderbeu, largohet Viktor dhe në vendin e tij futet Pecani.
58’ GOOOOOL VLLAZNIA 1-0/ Një aksion fantastik nga ana e shkodranëve, me Hakajn që del i pambuluar dhe vetëm për vetëm me Rexhepin e dërgon topin në rrjetë.
57’ Bulatoviç dërgon bukur një krosim në zonë, por Rexhepi tregohet i vëmendshëm duke ndaluar aksionin.
54’ Ardit Hoxhaj përfiton nga një ngatërresë në zonë për të lëshuar një gjuajtje, por topi ndalet nga mbrojtja korçare.
53’ Dajan Shehi shkakton një ndërhyrje të gabuar ndaj Latifit. Goditje dënimi për Vllazninë.
48’ Hoxhaj ndëshkohet me karton të verdhë për një ndërhyrje të gabuar.
46’ Zëvendësim te Vllaznia. Futet në fushën e lojës Viktor Da Silva në vend të Mustedanagiç.
46’ Starton pjesa e dytë!
45+3′ Mbyllet pjesa e parë!
45+1’ VAR konfirmon kartonin e verdhë të Latifit. Nuk ka penallti për Vllazninë. Shkodranët protestojnë.
45’ Latifi ecën shumë bukur dhe pengohet me Rexhepin, por gjyqtari e ndëshkon me karton të verdhë sulmuesin për simulim.
45′ Gjyqtari i katërt akordon 3 minuta shtesë.
43’ Mensah lëviz mjaft bukur në zonën e Vllaznisë, duke kaluar Adilin, por tentativa e tij ndalet nga Zogoviç.
40’ Fjoard Jonuzi lëshon një gjuajtje të bukur nga distanca, por topi përfundon ngjitur me portën.
38’ Latifi merr një top të bukur në krahë dhe nis një krosim drejt zonës, por sfera shkon në rivënie fundore.
35’ Loja është e përqendruar në mesfushë me të dyja ekipet që mundojnë të provojnë vetëm nga kundërsulmet.
23’ Viktor merr një top të bukur nga një kundërsulm i korçarëve dhe vetëm për vetëm me portierin, nuk arrin dot ta dërgojë sferën në rrjetë.
19’ Mustedanagiç tenton të gjejë portën nga një goditje dënimi, por tentativa e tij përfundon mbi kuadrat.
12’ Frashëri ngrihet në këmbë dhe është gati për të vazhduar lojën.
11’ Loja ndalet për disa momente pas një dëmtimi të Frashërit, i cili qëndron i shtrirë në tokë.
7’ Gurishta mban topin mirë në krah dhe fiton një goditje këndi.
1’ Starton sfida në “Loro Boriç”!
FORMACIONET ZYRTARE:
VLLAZNIA: Zogoviç, Gurishta, Adili, Hakaj, Bulatoviç, Jonuzi, Heriç, Mustedanagiç, Latifi, Hoxhaj, Aralica.
Trajner: Elvis Plori
SKËNDERBEU: Rexhepi, Zguro, Shehi, Sadriu, Frashëri, Zhan Viktor, Moraesh, Dumfur, Vangjeli, Mara, Mensah.
Trajner: Skënder Gega
Arena e Lajmit
and then