Johnny Depp largohet nga SHBA, zbulohet çfarë po bën aktori gjatë pauzës njëjavore të gjyqit me Amber Heard

Johnny Depp po përballet me një betejë të vështirë në padinë e tij për shpifje kundër Amber Heard dhe fakti që ai është kaq i famshëm e bën çështjen e tij edhe më të vështirë për ta fituar, sipas ekspertëve ligjorë.

Ekspertët thanë për “New York Post” se ekipi i yllit të “Pirates of the Caribbean” do të duhet të dëshmojnë për shkak të statusit të profilit të lartë të klientit të tyre. “Amendamenti i Parë mbron të drejtat tona për të diskutuar çështje të shqetësimeve publike – të cilat ndoshta, në kohën e sotme, përfshin jetën e të famshëmve,” shpjegoi avokatja Mitra Ahouraian. Çështjet e shpifjes janë të vështira për t’u fituar në përgjithësi dhe akoma më të vështira kur ato përfshijnë njerëz të famshëm, sepse ka një barrë të shtuar për të provuar “keqësinë aktuale” nga ana e të pandehurit. “Ai e ka këtë barrë shtesë që nuk është e lehtë”,- tha Ahouraian.

Por 58 vjeçari nuk duket se po shqetësohet për natyrën e vështirë të çështjes së tij dhe po e kalon javën e pushimit nga gjyqi në Evropë, sipas “New York Post”. “Johnny është në Evropë duke marrë pak kohë për të pushuar për disa ditë me miqtë e vjetër, duke luajtur muzikë dhe po bën shëtitje të gjata në fshat”, ka thënë një burim.

Aktori i “Edward Scissorhands” paditi Heard me 50 milionë dollarë për shpifje në një artikull të ‘Washington Post’ të vitit 2018 që ajo shkroi duke e quajtur veten “një figurë publike që përfaqëson abuzimin në familje”. Heard nuk e përmendi emrin e Depp në ese. Por avokatët e tij argumentojnë se kjo e njollosi figurën e tij, sepse ishte qartësisht referencë ndaj akuzave për abuzim në familje që Heard bëri kur ajo bëri kërkesë për divorc në 2016.

Aktorja e “Aquaman” është kundërpërgjigjur me kundërpadinë e saj prej 100 milionë dollarësh duke pretenduar se Depp po kryen një “fushatë shpifjeje” për të shkatërruar jetën e saj. Të dy po përballen në një gjykatë të Virxhinias për katër javë lidhur me pretendimet, megjithëse procedurat ndaluan përkohësisht më 5 maj, pas ditës së dytë të dëshmive të Heard dhe do të rifillojnë të hënën.

Halim Dhanidina, një ish-gjyqtar në Kaliforni dhe avokat i mbrojtjeve penale, tha se dy sfidat në këto raste janë se opinionet nuk mund të konsiderohen shpifje dhe se deklaratat që kundërshtohen duhet të provohen që janë të rreme. “Rastet e shpifjes janë përgjithësisht të vështira, kryesisht sepse ju keni këtë tension midis të drejtave të një personi në Amendamentin e Parë për t’u shprehur dhe ndryshimin midis një mendimi dhe një deklarate të faktit,” tha Dhanidina.  “Asnjëri prej tyre, për mendimin tim, nuk do të jetë në gjendje të përmbushë standardin për të vërtetuar se tjetri ka shpifur”.

Pavarësisht se si shkojnë gjërat, burime pranë Depp-it thonë se ai ndihet “i shfajësuar” dhe i lehtësuar që ka qenë në gjendje të tregojë anën e tij të historisë.

Johnny Depp largohet nga SHBA, zbulohet çfarë po bën aktori gjatë pauzës njëjavore të gjyqit me Amber Heard

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.
Na ndiqni

Na ndiq në Facebook