Sekretari i Përgjithshëm i Partisë së Lirisë Tedi Blushi ka reaguar në lidhje me dënimin e poetes Mimoza Ahmeti për ndërtim pa leje, pasi rikonstruktoi shtëpinë e dëmtuar nga tërmeti.
Gjithashtu ai shprehet se regjimi shtypës do të shembet shumë shpejt përpara vullnetit të qytetarëve të lirë.
Postimi i plotë:
Dënimi i poetes së mirënjohur Mimoza Ahmeti për rindërtimin e shtëpisë së dëmtuar nga tërmeti, kur klientët e Qeverisë amnistohen për kate, pallate dhe kulla pa leje është krimi i radhës i shëmtuar i shtetit me dy standarde të Edi Ramës.
Zelli i drejtësisë së “Rilindjes” për të goditur pa mëshirë intelektualët e më të dobëtit, por jo oligarkët dhe krimin që pastrojnë paratë me monstrat e betonit është në fakt modeli qeverisës shtypës që ka instaluar Edi Rama!
Mesazhi i qindra mijëra shqiptarëve në 12 Nëntor ishte i qartë: Ky shtet që po degradon përditë në një regjim hajdut dhe shtypës do të shembet shumë shpejt përpara vullnetit të qytetarëve të lirë! Triumfi është i sigurtë!
Arena e Lajmit
and then