Rusi, testimi i sotëm i raketës Angara i suksesshëm pas anulimeve të njëpasnjëshme

Rusia kreu sot një lëshim provë të raketës së saj Angara-A5 për herë të parë nga Kozmodromi Vastochniy, pasi problemet teknike çuan zyrtarët të anulonin lëshimin në minutën e fundit për dy ditë me radhë.

Nisja testuese e Angara, një mjet i ri lëshues, synon të shfaqë ambiciet hapësinore të Rusisë në epokën post-sovjetike dhe rolin në rritje të Vastochny, që ndodhet në rajonin e pyllëzuar Amur të Lindjes së Largët Ruse.

“Ka një ndezje të motorit, fluturimi është normal,” tha agjencia ruse e hapësirës Roscosmos në komentimin e saj të drejtpërdrejtë. “Të gjitha sistemet janë Ok.”

🚀Russia’s 761-ton behemoth launched into space!

The breakthrough launch of the Angara-A5 rocket was successfully conducted from 🇷🇺Russia’s Vostochny Cosmodrome on Thursday.

Two previous launches scheduled on March 9 and March 10 were cancelled over a detected malfunctions.… pic.twitter.com/jyK1ZW3aJ5

— dana (@dana916) April 11, 2024

Pas disa minutash, raketa po udhëtonte me një shpejtësi prej më shumë se 25,000 kilometra në orë dhe hyri në orbitë.

[Roscosmos] Cosmodrome de Vostochny. Une fusée Angara-A5 avec l’étage supérieur Orion et une charge utile d’essai. Pas de tir N°1A.
32 photos ici https://t.co/gVoTHk1Ocm
(c) Roscosmos pic.twitter.com/JD5BeXQMnf

— La souris (@La_souris_DA) April 11, 2024

Roscosmos raportoi se Angara-A5 u lançua me një ngarkesë testimi dhe po funksionon normalisht. Seksioni i sipërm i tij u shkëput dhe e vendosi ngarkesën e provës në orbitë.

Dje, të mërkurën, lëshimi testues i raketës hapësinore u anulua për shkak të një mosfunksionimi në sistemin e kontrollit të lëshimit të motorit.

Rusia nisi projektin Angara disa vjet pas shpërbërjes së Bashkimit Sovjetik në 1991 si një mjet lëshimi i ndërtuar nga Rusia, që do të siguronte akses në hapësirë ​​edhe pa Kozmodromin Baikonur, të cilin Rusia e merr me qira nga Kazakistani.

Fluturimi i parë provë i Angara-A5 u zhvillua në vitin 2014, i ndjekur nga një tjetër në vitin 2020, të dy nga Plesetsk.

“Me këtë nisje, filluan testet e projektimit të fluturimit të kompleksit të raketave hapësinore Amur me mjete lëshuese Angara në Vatsochny ,” tha Roscosmos.

Ai tha se Angara-A5 është shumë më miqësore me mjedisin sesa Proton M i Rusisë si një raketë e rëndë që ka qenë në shërbim që nga mesi i viteve 1960.

()