Policia Bashkiake e Tiranës ka njoftuar një rritje të ndjeshme të bashkëpunimit me qytetarët që prej aktivizimit të linjës së dedikuar në WhatsApp (+355 68 950 0030), për denoncimin e shkeljeve në qarkullimin rrugor.
Sipas njoftimit zyrtar, vetëm gjatë javës së fundit janë regjistruar 253 denoncime, të cilat janë kategorizuar si më poshtë:
-94 raste të parkimeve të gabuara,
-78 ankesa për zënien e vendeve të parkimit të rezervuara për subjekte private,
-49 ankesa nga shërbimi taksi për bllokimin e vendeve të tyre,
-2 raste të zënies së hapësirave të rezervuara për persona me aftësi të kufizuara.
Në 30 prej rasteve, drejtuesit e mjeteve i larguan vetë automjetet pas raportimit, pa qenë e nevojshme ndërhyrja e Policisë Bashkiake. Për pjesën tjetër, strukturat e rendit urban kanë ndërhyrë menjëherë, duke marrë masat administrative sipas Kodit Rrugor.
and then