Ish-fituesi, Figo: Yamal dhe Messi nuk janë favoritë për “Topin e Artë”

Ish-fituesi i Topit të Artë në vitin 2000, Luis Figo, ka ndarë mendimin e tij për garën e këtij viti pas përfundimit të Kupës së Botës, duke theksuar se, sipas tij, mes favoritëve nuk bëjnë pjesë as Lamine Jamal dhe as Lionel Mesi, pavarësisht se të dy ishin ndër yjet kryesorë të finales.

Sipas legjendës portugeze, lojtari që ka rritur më së shumti shanset për ta fi tuar çmimin është Rodri, falë paraqitjeve të tij gjatë turneut. “Rodri zhvilloi një Kupë Bote të shkëlqyer dhe kjo mund të jetë vendimtare në garën për “Topin e Artë”, u shpreh Figo në analizën e tij për “Betfair”. Ai komentoi gjithashtu spekulimet që e lidhin mesfushorin spanjoll me Real Madridin. “Është folur për interesimin e Real Madridit. Mendoj se do të jetë shumë e vështirë, sepse ai ka kontratë me Mançester Sitin.

Megjithatë, të gjithë e dinë se Real Madridi gjithmonë synon të transferojë lojtarët më të mirë në botë”, tha Figo. Portugezi vlerësoi edhe paraqitjen e Kilian Mbape, duke theksuar se francezi mbetet një nga kandidatët kryesorë për çmimin individual. “Edhe pse Rodri nuk është dalluar shumë për gola apo asistime, ai ka zhvilluar një turne të madh. Po ashtu, Mbape, falë Kupës së Botës që zhvilloi, duhet të konsiderohet një nga pretendentët kryesorë. Në këtë listë do të përfshija edhe ndonjë lojtar të PSG-së, që fitoi sërish Ligën e Kampionëve”, deklaroi ai.

Figo veçoi gjithashtu Vitinjan dhe Desire Doue, të cilët, sipas tij, zhvilluan një sezon të shkëlqyer me klubet e tyre, edhe pse Kupa e Botës nuk rezultoi aq e suksesshme, veçanërisht për Portugalinë. Duke komentuar triumfi n e Spanjës në Kupën e Botës, Figo ishte i qartë se skuadra iberike e meritoi plotësisht trofeun. “Spanja ishte ekipi më i mirë jo vetëm në finale, por gjatë gjithë turneut. Pësoi vetëm një gol dhe, në përgjithësi, ishte skuadra më e qëndrueshme dhe ajo që luajti futbollin më cilësor. Prandaj, pa asnjë dyshim, fi toi ekipi më i mirë”, theksoi ai. Në fund, Figo foli edhe për rikthimin e mikut të tij Zhose Murinjo në stolin e Real Madridit, duke nënvizuar objektivin kryesor të trajnerit portugez. “Gjëja më e rëndësishme për Real Madridin tani është të rikthehet te fitoret, pas dy sezonesh pa trofe”, përfundoi Figo.