Chelsea siguron një përforcim të rëndësishëm për repartin e mbrojtjes. Klubi londinez ka zyrtarizuar transferimin e mbrojtësit francez Maxence Lacroix nga Crystal Palace.
Mbrojtësi 26-vjeçar ka firmosur një kontratë afatgjatë me “Blutë” deri në vitin 2032 dhe do t’i bashkohet skuadrës së re përpara sezonit 2026/27.
Lacroix vjen te Chelsea pas dy sezoneve shumë pozitive me Crystal Palace, ku regjistroi 98 paraqitje dhe ndihmoi skuadrën të shkruante historinë me fitimin e UEFA Conference League, FA Cup dhe Community Shield.
Mbrojtësi francez konsiderohet një nga qendërmbrojtësit më të fortë në Europë, i vlerësuar për shpejtësinë, forcën fizike dhe dominimin në duelet ajrore.
Karrierën e nisi në akademinë e Sochaux, ndërsa më pas u transferua te Wolfsburg, ku në katër sezone zhvilloi 130 ndeshje përpara kalimit në Premier League.
Paraqitjet e tij me Crystal Palace i siguruan edhe një vend në Kombëtaren franceze. Lacroix debutoi me Francën në mars dhe më pas u përfshi në skuadrën për Kupën e Botës, ku zhvilloi tre takime dhe ndihmoi “Gjelat” të përfundonin turneun në vendin e katërt.
Vetë lojtari ka shprehur entuziazmin për aventurën e re, duke theksuar se objektivi i tij me Chelsea-n është i qartë: fitimi i trofeve dhe rikthimi i klubit në majat e futbollit europian.
and then