Një zjarr i përmasave të mëdha ka rënë në zonën e Tërbuqit, në Gjirokastër, pasi flakët dyshohet se janë shkaktuar nga një automjet dhe më pas janë përhapur me shpejtësi në një sipërfaqe me bar dhe shkurre të thata.
Era dhe bimësia e thatë kanë favorizuar përhapjen e flakëve, duke e vështirësuar ndërhyrjen e forcave zjarrfikëse dhe duke rritur rrezikun që zjarri të avancojë drejt zonave pranë fshatrave Labovë e Madhe dhe Labovë e Vogël.
Për përballimin e situatës, në terren është angazhuar i gjithë efektivi i Drejtorisë së MZSH-së Gjirokastër. Forcat zjarrfikëse po punojnë për izolimin e vatrave dhe frenimin e përhapjes së flakëve në drejtim të zonave të banuara.
Për momentin, situata mbetet në zhvillim, ndërsa vijon puna për vënien nën kontroll të zjarrit.
and then