Tri javët e para të kampionatit të Kategorisë Superiore Vajza 2026/2027 kanë dhuruar rezultate interesante, me Apoloninë dhe Egnatian që kanë regjistruar pikët e plota dhe kryesojnë renditjen me nga 9 pikë.
Apolonia ka nisur sezonin me tri fitore radhazi, duke mundur Teutën me rezultatin 3-1, Partizanin 5-0 dhe Lushnjën 14-1. Edhe Egnatia ka zhvilluar një fillim pozitiv të kampionatit, me fitore ndaj Lushnjës 3-0, Kinostudios 9-0 dhe Atletik Klub 3-0.
Në vendin e tretë renditet Teuta me 6 pikë, e ndjekur nga Vllaznia me 4 pikë. Partizani dhe Atletik Klub kanë grumbulluar nga 3 pikë, ndërsa Kinostudio ka siguruar 1 pikë. Lushnja mbyll renditjen, ende pa pikë pas tri javëve të para.
Java e tretë solli edhe përballjen mes Vllaznisë dhe Kinostudios, e cila u mbyll në barazim pa gola, ndërsa Teuta fitoi 4-0 ndaj Partizanit.
Kampionati do të vijojë më 24 tetor, ku do të luhen tre nga ndeshjet e javës së katërt. Vëmendja kryesore do të jetë te përballja mes Egnatias dhe Apolonisë, dy skuadrave që kryesojnë renditjen me pikë të barabarta dhe synojnë të vazhdojnë serinë e rezultateve pozitive. Kjo ndeshje do të luhet në orën 12:00. Në të njëjtin orar do të zhvillohet edhe sfida Partizani – Atletik Klub, ndërsa Kinostudio – Teuta, është programuar në orën 15:00.
Java do të mbyllet me përballjen Lushnja – Vllaznia, në orën 12:00.
Ndeshjet e javës 4:
Egnatia – Apolonia, 24.10.2026, 12:00
Partizani – Atletik Klub, 24.10.2026, 12:00
Kinostudio – Teuta, 24.10.2026, 15:00
Lushnja – Vllaznia, 25.10.2026, 12:00
Renditja:
Apolonia 9 pikë
Egnatia 9 pikë
Teuta 6 pikë
Vllaznia 4 pikë
Partizani 3 pikë
Atletik Klub 3 pikë
Kinostudio 1 pikë
Lushnja 0 pikë
Rezultate, java 1
Atletik Klub 0-10 Vllaznia
Apolonia 3-1 Teuta
Partizani 7-0 Kinostudio
Egnatia 3-0 Lushnja
Rezultatet, java 2
Teuta 1-0 Vllaznia
Kinostudio 0-9 Egnatia
Partizani 0-5 Apolonia
Lushnja 0-5 Atletik Klub
Rezultatet, java 3
Apolonia 14-1 Lushnja
Teuta 4-0 Partizani
Vllaznia 0-0 Kinostudio
Atletik Klub 0-3 Egnatia
and then