Janë mbyllur ndeshjet e raundit të parë të US Open, me sfida spektakolare dhe rezultate që kanë dhuruar emocione në turneun e fundit Grand Slam të sezonit.
Një prej protagonistëve kryesorë të ditës ishte Alexander Zverev. Tenisti gjerman, numri 2 në botë, iu desh të luftonte për më shumë se pesë sete për të siguruar kualifikimin. Zverev mposhti italianin Lorenzo Sonego me rezultatin 3-2, në një përballje dramatike që u vendos vetëm në setin e pestë. Gjermani fitoi 6-4, 3-6, 6-7, 7-5, 6-4, duke shmangur një eliminim të parakohshëm dhe duke prerë biletën për në raundin e dytë.
Në këtë fazë të turneut avancuan edhe emra të tjerë të njohur të tenisit. Gael Monfils, Mattia Bellucci, Lorenzo Musetti, Taylor Fritz, Francisco Cerundolo dhe Jan-Lennard Struff siguruan gjithashtu fitoren dhe vazhdimin e aventurës në Nju Jork.
Edhe turneu i femrave rezervoi përballje interesante. Naomi Osaka e nisi me sukses rrugëtimin në US Open, duke mposhtur Anastasia Zakharova 2-0. Të dy setet u vendosën në tie-break, me japonezen që triumfoi 7-6, 7-6 dhe siguroi kështu një vend në raundin e dytë. Kaloi më tej edhe amerikani Coco Gauff, që mundi në dy sete 6:3 dhe 6:4 turkenSonmez.
Mes tenisteve që vijojnë më tej janë edhe Anastasia Potapova, Elise Mertens dhe Yulia Putinseva, të cilat e kaluan me sukses pengesën e raundit të parë.
Raundi i dytë pritet të sjellë përballje edhe më të forta, ndërsa pretendentët kryesorë për titullin do të kërkojnë të hedhin një tjetër hap drejt finales së madhe në Flushing Meadows.
and then