Malisheva ka regjistruar fitore bindëse ndaj Llapit në stadiumin “Zahir Pajaziti”, në kuadër të javës së 6-të në AlbiMall Superligë, me rezultat 4:0.
Skuadra mysafire e zhbllokoi rezultatin në minutën e 41-të, kur Vusal Isgandarli realizoi për 1:0. Goli u verifikua përmes VAR-it.
Malisheva vazhdoi me ritëm të lartë edhe në pjesën e dytë. Në minutën e 57-të, pas rishikimit të situatës me VAR, iu akordua penallti, ndërsa Xhemal Ibishi ishte i saktë nga pika e bardhë për 2:0.
Vetëm tre minuta më vonë, Lorent Talla e dërgoi topin në rrjetë për 3:0, ndërsa rezultatin përfundimtar e vendosi Mark Bushaj në minutën e 84-t.
Për Llapin kjo ishte humbja e pestë në gjashtë ndeshje, ndërsa Malisheva me këtë fitore vazhdon të mbajë ritëm të lartë në pjesën e sipërme të tabelës.
Në ndeshjen tjetër në Suharekë Ballkani dhe Dukagjini zhvilluan një ndeshje të luftuar, por në fund asnjëra skuadër nuk arriti ta gjejë rrugën e rrjetës.
Takimi përfundoi 0:0, me të dyja skuadrat që krijuan mundësi shënimi, por mungoi konkretizimi në momentet vendimtare.
Dukagjini që ende nuk ka pësuar humbje, regjistroi kështu barazimin e tretë të sezonit, krahas tri fitoreve, dhe me 12 pikë renditet në pozitën e tretë.
Ballkani, ndërkohë, regjistroi barazimin e dytë dhe ka tri fitore dhe dy humbje, duke mbledhur 10 pikë në vendin e pestë.
and then