OSBE reagon për sulmin ndaj Berishës: Të trishtuar për incidentin gjatë protestës së opozitës. Liria e tubimit, një e mirë themelore e demokracisë

Prezenca e OSBE-së në Shqipëri ka reaguar pas incidentit të sotëm në protestën e opozitës, ku u sulmua kreu i PD-së Sali Berisha.

OSBE deklaron se “jemi të trishtuar për incidentin gjatë protestës së opozitës. Liria e tubimit është një e mirë themelore e demokracisë”.

“Urime Shqipërisë për mbajtjen e suksesshme të samitit BE-Ballkan Perëndimor dhe për operacionin e madh të sigurisë që e shoqëroi. Jemi të trishtuar, megjithatë, për incidentin gjatë protestës së opozitës. Liria e tubimit është një e mirë themelore e demokracisë. U urojmë të lënduarve shërim të shpejtë dhe u bëjmë thirrje të gjithëve të shmangin spekulimet dhe vetëdrejtësinë ndërkohë që hetimet vijojnë”, shprehet OSBE.