Ka përfunduar java e 32-të e kampionatit “Abissnet Superiore”. Egnatia falë fitores në ndeshjen e sotme ndaj Laçit në transfertë me rezultatin 2-1 siguroi matematikisht pjesëmarrjen në “Final Four”.
Po sot u luajtën edhe dy ndeshje të tjera, Partizani – Dinamo City dhe Teuta – Vllaznia. Në “Arenën e Demave” të kuqtë u rikthyen te fitorja në kampionat pasi fituan 2-0. Ndërsa në “Niko Dovana” takimi Teuta – Vllaznia përfundoi në barazim pa gola 0-0.Të premten fituan në takimet e tyre edhe Tirana e Skënderbeu. Bardheblutë triumfuan ndaj Erzenit në “Elbasan Arena” 2-0. Ndërsa Skënderbeu fitoi në “Kukës Arena” 2-0.
Sa i takon renditjes, Egnatia kryeson kampionatin, ndërsa Vllaznia, Partizani dhe Tirana plotësojnë top-4. Në mesin e tabelës janë Dinamo dhe Skënderbeu, sakaq gara për mbijetesë duket mes Laçit, Teutës, Erzenit dhe Kukësit.
and then