Loredana Zefi dhe Gramoz Aliu ose i njohur si Mozzik, janë ndër emrat më të njohur në industrinë tonë muzikore.
Nga partner në skenë dhe në jetë disa kohë më parë, duket se tashmë vajza e tyre Hana është e vetmja nyje që i lidh reperët. Së fundmi një detaj i vogël i ka bërë bashkë dy artistët. Ditën e sotme në mesnatë Loredana ka publikuar këngën e saj më të re në bashkëpunim me Noizyn, ndërsa Mozzik nga ana tjetër në të njëjtën kohë ka lançuar bashkëpunimin e tij me Butrint Imerin dhe Taynen.
Nuk e dimë nëse e gjithë kjo ishte e qëllimshme, por me sa duket dyshja pas marrëdhënies së tyre të komplikuar kanë lënë pas gjithçka dhe po shohin përpara me jetën dhe karrierën e tyre.
Ju kujtojmë gjithashtu që disa javë më parë Mozzik është shprehur se ishte single por gjërat duken se ndryshuan për këngëtarin. Katër ditë më parë reperi i habiti të gjithë me postimin e tij të fundit në rrjetet sociale. Teksa ka pozuar brenda një makine ‘cabriolet’ duke buzëqeshur, Mozzik shkroi:
“Kjo verë nuk do të na gjejë beqar”, duke e lënë të nënkuptojnë se mbase artisti e ka gjetur vajzën që i ka rrëmbyer zemrën ose është në kërkim por që siç e tregon dhe Gramozi, është e sigurt që beqar nuk do të jetë.
and then