Kreu i Partisë Demokratike, Sali Berisha, ka vijuar me akuzat ndaj Partisë Socialiste dhe kryeministrit Edi Rama, duke e cilësuar rezultatin e zgjedhjeve të 11 majit si një “grabitje” dhe jo si një fitore.
Në një deklaratë publike, Berisha theksoi se nuk ka shqiptar që nuk pa me sytë e tij “shpërdorimin e pushtetit dhe blerjen masive të votave” nga mazhoranca.
“Nuk ka fitore të zgjedhjeve nga PS në 2025. Janë të grabitura. Nuk është fitore kjo, është grabitje dhe nuk ka shqiptar që nuk e pa me sy këtë. Placka e vjedhur duhet të kthehet, ky është rregulli,” deklaroi Berisha.
Ai ironizoi deklaratat e atyre që e quajnë rezultatin një fitore për Edi Ramën, duke thënë se po përdorin “fjalorin e vet”.
“Cili është ai që nuk pa shpërndarjen e 100 eurove për çdo pensionist, kur ata përbëjnë 48% të elektoratit? Kush nuk pa faljen e gjobave dy ditë para zgjedhjeve? Kush nuk pa mbjelljen e kanabisit?” shtoi Berisha, duke nënvizuar se këto janë prova të qarta të manipulimit të vullnetit të votuesve.
and then