Trafikonin municione nga Shqipëria për në Kretë, çmontohet organizata kriminale

Një organizatë kriminale që merrej me trafikimin e sasive të mëdha të municioneve nga Shqipëria drejt Kretës u çmontua nga policia greke.

Pas një operacioni të koordinuar në Hania dhe Kastoria, u arrestuan katër anëtarë të grupit, përfshirë organizatorin 65-vjeçar, dhe një person tjetër që kishte blerë municione.

Grupi siguronte fishekë nga një furnizues shqiptar dhe i transportonte përmes kufirit me një kamion me vend të fshehtë, duke i shitur më pas në Kretë.

Gjatë operacionit u sekuestruan mbi 24.000 fishekë, një pushkë luftarake, 900 euro dhe tre automjete. Hetimet vazhdojnë, ndërsa të arrestuarit do të paraqiten para drejtësisë.