Zëvendës Kryeministrja Belinda Balluku u mor të premten e pandehur nga SPAK, ku Prokuroria e Posaçme i komunikoi akuzën për shkelje të barazisë në tendera, lidhur me Tunelin e Llogarasë.
Ish-prokurori Besnik Muçi, i ftuar në “Log.” në News24, ka deklaruar se numri dy i qeverisë mund të ndalohet të ushtrojë detyrën e saj në rast se ndaj saj merret masa e sigurisë për ndalim ushtrimi profesioni.
“Balluku mund të vijojë nën detyrë derisa ndaj saj të merret një masë sigurimi në profesion.
Të qënit pjesë e qeverisë është më te një çështje politike.
Nëse vepra penale është e lidhur me profesionin mund të kërkohet pezullimi i ushtrimit të profesionit”, tha ai.
Muçi foli edhe në lidhje me rastin kur Balluku mund të shkarkohet nga detyra, që sipas tij mund të jetë një krahasim me rastin e Erjon Veliaj, pra në rast se asaj i hiqet pasaporta dhe e ka të pamundur të ushtrojë detyrën e saj pasi nuk mund të udhëtojë jashtë vendit.
“Mund të ndodhë siç u shkarkua Veliaj se nuk shkoi në punë, mund të shkarkohet edhe Balluku pasi nuk mund të shkojë në detyrë jashtë vendit për shembull nëse i hiqet pasaporta”, tha ai.
and then