“Me Pandelinë po kalonim urën kur një autoblindë…”, Rama kujton ‘21 Janarin’ dhe sulmon Berishën: Lëshoi kushtrimin me përgjigje me plumb ballit ndaj protestës së opozitës!

Kryeministri Edi Rama nga Kryeministria, atje ku po mbahet një aktivitet përkujtimor për 4 protestuesit e vrarë në protestën e 21 janarit, nuk u kurse për të sulmuar paraardhësin e tij, Sali Berishën që asokohe ishte në krye të qeveris. Ai tha se Kryeministri i asaj kohe lëshoi kushtrimin me përgjigje me plumb ballit ndaj opozitës.

“15 vite më parë, këtu në këtë godinë ishte barikaduar një hordhi e armatosur, përzierje e trupës së rregullt të Gardës dhe çetave paramilitare të Kryeministrit. Godina ishte përforcuar me tela me gjemba, të shtrira gjithandej pas atij gardhi të shëmtuar hekuri që rrethonte Kryeministrinë, pas sulmit të armatosur të vitit 1998. Njeriu i futur nga populli në zyrën e kryeministrit për të udhëhequr Shqipërinë, kishte lëshuar kushtrimin për përgjigje me plumb balli ndaj protestës së opozitës së bashkuar të kohës.”, tha ai.