Kanë kaluar rreth 3 orë që aksin Librazhd–Prrenjas, në zonën e Dragostunjës, e ka bllokuar plotësisht një rrëshqitje dheu dhe gurësh, duke paralizuar totalisht qarkullimin.
Radha e automjeteve shtrihet për kilometra, ndërsa situata ka shkaktuar shqetësim dhe indinjatë te drejtuesit e mjeteve.
Sipas burimeve në terren, kompania ANK, e cila kryen punimet për zgjerimin e rrugës Librazhd–Dragostunjë–Hotolisht dhe ka administratorët Agim dhe Ndue Kola, konsiderohet shkaktare direkte e bllokimit, pasi deri tani nuk ka ndërmarrë asnjë veprim për pastrimin e rrugës dhe rikthimin e qarkullimit.
Autoritetet dhe banorët e zonës kritikojnë neglizhencën e kompanisë dhe paralajmërojnë se situata mund të vazhdojë për shumë orë, duke vënë në rrezik qarkullimin e mjeteve në këtë aks jetik dhe duke shtuar presionin mbi strukturat e Policisë Rrugore dhe firmat kontraktore të mirëmbajtjes.
and then