“Raporti i “TI” mesazh për shqiptarët”/ Flamur Noka: Shqipëria e zhytur në korrupsion! 11 arsyet përse qytetarët duhet t’i bashkohen sot protestës

Shqipëria ka shënuar përkeqësim në indeksin për perceptimin e korrupsionit të Transparency International për vitin 2025.

Vendi ynë është renditur në vendin e 91-të me 39 pikë ndërkohë që në indeksin e mëparshëm Shqipëria kishte pasur 42 pikë.

Në një reagim në Facebook, Flamur Noka sekretari i Përgjithshëm i PD, Flamur Noka ka renditur disa nga të dhënat që tregojnë edhe format e korrupsionit në sektorin publik.

Reagimi i plotë:

Transparency International tregon se #Shqipëria është zhytur në korrupsion. Një mesazh për #shqiptarët.

Ka kaluar vetëm një vit dhe Shqipëria ka rënë me 11 vende dhe tre pikë në renditjen botërore të Transparency International për indeksin e perceptimit të korrupsionit.

Një motiv më shumë për zgjidhje politike.

Shqipëria duhet çliruar menjëherë nga #rilindja dhe narkoshteti që krijoi për llogari të krimit të organizuar.

Transparency International thotë se të dhënat e përdorura për të përpiluar indeksin mbulojnë këto forma të korrupsionit në sektorin publik:

1. Ryshfeti
2. Keqpërdorimi i fondeve publike
3. Përdorimi i detyrës publike nga zyrtarët për përfitime personale pa u përballur me pasoja
4. Aftësia e qeverisë për të frenuar korrupsionin në sektorin publik
5. Burokracia e tepërt që mund të rrisë mundësitë për korrupsion në sektorin publik
6. Emërimet politike në shërbimin civil
7. Ligjet që u lejojnë zyrtarëve publikë të mos deklarojnë pasuritë
8. Konfliktet e mundshme të interesit
9. Mbrojtja ligjore për personat që raportojnë raste të ryshfetit dhe korrupsionit
10. Kapja e shtetit
11. Qasja në informacion mbi çështjet publike dhe aktivitetet qeveritare

11 arsye dhe shumë të tjera që na nxjerrin sot në #protestë përpara kryeministrisë.