“Mirënjohje për ata që dridhën sot Narkoregjimin e kalbur”, Meta reagon për protestën e opozitës: Narkopolicia kriminale do të përgjigjet…

Ish-presidenti i Republikës, Ilir Meta, ka reaguar për protestën e sotme të opozitës që sipas tij,  e dridhën sot Narkoregjimin e kalbur.

“Zëri i tyre është zëri i shpresës, i lirisë dhe i një Shqipërie që nuk dorëzohet. Populli është zgjuar, i vendosur dhe i gatshëm të mbrojë me çdo çmim demokracinë, lirinë, shtetin e së drejtës dhe të ardhmen e vendit”, shkruan Meta në një mesazh në rrjetin social facebook.

Mesazhi i plotë

Mirënjohje dhe falenderim për mijëra shqiptarë patriotë, që me guxim dhe dinjitet i dhanë fuqi revoltës së tyre dhe dridhën sot Narkoregjimin e kalbur.
Zëri i tyre është zëri i shpresës, i lirisë dhe i një Shqipërie që nuk dorëzohet. Populli është zgjuar, i vendosur dhe i gatshëm të mbrojë me çdo çmim demokracinë, lirinë, shtetin e së drejtës dhe të ardhmen e vendit.
Narkopolicia kriminale që edhe sonte u soll si kafshë me protestuesit dhe gazetarët, jo vetëm nuk e shpëton dot Kryetarin e Organizatës Mafioze, por do të përgjigjet deri në një përpara ligjit dhe popullit.
Fitorja u përket vetëm guximtarëve!