Një aksident rrugor është regjistruar në aksin e rrugës kombëtare Peqin–Elbasan, në fshatin Përparim, në territorin e bashkisë Peqin.
Sipas informacioneve paraprake, dy automjete janë përfshirë në përplasje me njëra-tjetrën. Si pasojë e goditjes së fortë, një autoveturë tip “Benz” ka dalë nga rruga dhe ka përfunduar në një kanal anësor. Të dy mjetet kanë pësuar dëmtime të konsiderueshme materiale.
Deri në këto momente nuk ka të dhëna të sakta mbi gjendjen shëndetësore të drejtuesve të mjeteve apo të personave të tjerë që mund të kenë qenë pasagjerë. Rrethanat e aksidentit mbeten ende të paqarta, ndërsa në zonë mbizotëron mot me reshje të dendura shiu, çka dyshohet se mund të ketë ndikuar në vështirësimin e qarkullimit.
Policia dhe shërbimet përkatëse pritet të hedhin dritë mbi shkaqet e plota të ngjarjes.
and then