“Kurrë nuk e kisha menduar se do përjashtohesha nga PD për mendimin ndryshe”, Dritan Burgija: Pas takimit me Salianjin në Durrës, Berisha më akuzoi…

Ish-kryetari i grupit të Këshilltarëve demokratë në Këshillin Bashkiak të bashkisë së Durrësit, Dritan Burgija, në një lidhje me studion e lajmeve në News24, ka sqaruar se si e mori vesh lajmin e shkarkimit të tij nga anëtarësia e PD.

Burgija tha se gjithçka nisi pas takimit të organizuar nga anëtari i Kryesisë së PD, Ervin Salianji, në Durrës 8 muaj pas zgjedhjeve të përgjithshme të 11 majit 2025.

“Pas humbjes në zgjedhjet e 11 majit, nga anëtarësia e PD kishim ankesa nga të gjithë se nuk po vjen me na taku njeri, spo bën asnjëri analizë pse humbëm zgjedhjet kaq thellë.

I vetmi që na kontaktoi si anëtar i kryesisë së PD, dhe pas takimit vendosëm që të bënim një hap, të mblidhnim anëtarësinë e PD, të shpreheshin njerëzit lirshëm për të thënë cfarë ndodhi dhe cfarë duhet të bëjmë më tej.

Dritan Burgija: Pas 8muajsh nga zgjedhjet e përgjithshme të 11 majit 2025 kur nuk pipëtinte asgjë në degën e PD Durrës, i vetmi që na kontaktoi dhe na bindi që ne duhet të lëviznim në të mirë të PD ishte Ervin Salianji.

Duke qenë se ne jemi në kontakt gjatë gjithë kohës me anëtarë të PD, kishim ankesa nga të gjithë se nuk po vjen me na taku njeri, spo bën asnjëri analizë pse humbëm zgjedhjet kaq thellë, i vetmi që na kontaktoi si anëtar i kryesisë së PD, dhe pas takimit vendosëm që të bënim një hap, të mblidhnim anëtarësinë e PD, të shpreheshin njerëzit lirshëm për të thënë çfarë ndodhi dhe çfarë duhet të bëjmë më tej.

Të nesërmen e takimit, Berisha artikuloi për herë të parë se sallën e mbushi Ani Dyrmishi. Ai ka qenë kryetar i këshillit bashkiak të Durrësit dhe sot është deputet në Kuvend. Unë e njoh institucionalisht vetëm se është kryetar i Këshillit bashkiak.

Berisha vijoi duke thënë se e mbushi Gys Agasi etj, pa thënë asgjë që mund të kishte të bënte me ne. e dëgjuam artikulimin e Berishës por nuk më shkonte në mend se mund ta kishte në adresën time, sepse më njeh i gjithë opinioni public në Durrës. Me Salianjin kemi organizuar Foltoren në nëntorin e shkuar dhe të nesërmen u tha nga PD se sallën e mbushi Ani Dyrmishi. Këtu nuk flitet për emra por për goditjen e mendimit ndryshe.

PD u themelua në ’90 si parti e fjalës së lirë, dhe nuk e kishim menduar se për mendimin ndryshe në 2026 të penalizohesh.

Deri tani nuk kisha asnjë fakt që lidershipin e PD e cuan deri në vendimin e shkarkimit. Sot u iluminuan pak gjërat, unë akuzoj Berishën pasi pa miratimin e tij nuk merret asnjë vendim. Deri sot kur isha para selisë blu nuk kisha asnjë akuzë konkrete.