Me “laps e letër” në dorë, Shqipëria është perfekte në këtë fillim sezoni, 2 ndeshje 6 pikë të plota. Në dy sfidat e para, ekipi i Maran ka shënuar 5 gola dhe nuk ka pësuar asnjë. Skuadra përfaqësues ka një shpërndarje perfekte të golave me italianin në stol, të 5 golat janë shënuar nga 5 lojtarë të ndryshëm, Asllani, Muçi, Mehmeti, Uzuni dhe Manaj.
Assistin e vërtetë në këtë fillim edicioni të Nations League, Shqipëria e mori nga Bjellorusia, rivali që “thyen” 2-0 pak ditë më parë. Bjellorusia ndali në transfertë Finlandën, në një “X” pa gola. Kjo sfidë e bën dhe më të vështirë të parashikosh saktë këtë grup, pasi Finlanda në fillim shihej si favorite, ose më saktë si rivali kryesor i Shqipërisë, por pas xhiros së dytë, Finlanda e sheh veten në vendin e dytë me 4 pikë, 2 më pak se kuqezinjtë. Në vendin e tretë, me 1 pikë në 2 ndeshje renditet Bjellorusia.
Shqipëria ka shansin të mbyll llogaritë me Grupin 1 në Ligën C që të shtunën, ku luajnë në transfertë përballë Finlandës, një ndeshje ku mjafton të mos dalin “duar bosh”.
and then