Rezoluta për gjenocidin serb në Kosovë/ Tritan Shehu kritika Nikollës: Kemi depozituar kërkesë për nocion me debat, s’kemi marrë përgjigje! U shkel rregullorja

Në seancën e sotme plenare në Kuvend nga ana e tij, Tritan Shehu u shpreh se ka një shkelje të rregullores për rezolutën e gjenocidit serb në Kosovë, duke i tërhequr vëmendjen kryetares së Kuvendit Lindita Nikollës.

“Takimi me atin e Shenjtë shpresoj të ketë qenë i dobishëm. Pata një diskutim për zbatimin e rregullore me nënkryetaren e Kuvendit.  Kemi depozituar kërkese për nocion me debat për një rezolutë për gjenocidin serb në Kosovë kanë kaluar 9-10 ditë dhe nuk ka asnjë sinjal. Kjo është shkelje e rregullores. Edhe kur kryetarja është në takime të rëndësishme ka të tjerë që caktohen. Dua të tërheq vëmendjen tuaj se jemi para një shkeljes së rregullore. Kjo është një çështje që lidhet me aktualiteti, të kaluarën dhe domosdoshmërinë  e njohjes së krimeve.”, tha ai.

Më herët*

Sot seanca plenare në Kuvend.

Deputetja Ina Zhupa ka kërkuar interpelancë me ministren e Kulturës, Elva Margariti.

Gjithashtu do të miratohen emrat e deputetëve që do të angazhohen për Reformën Territoriale dhe Zgjedhore.

RENDI I DITËS

Në mbështetje të Urdhërit nr. 51, datë 7.6.2022 të Kryetares së Kuvendit, znj. Lindita Nikolla, rendi i ditës është si më poshtë vijon:

10.Projektvendim “Për zgjedhjen e një anëtari të Autoritetit për Informimin mbi Dokumentet e Ish-sigurimit të Shtetit”. (Neni 78 i Kushtetutës, gërmat “a”,”c” dhe “ç”, të pikës 1, të nenit 8 dhe nenit 9, të ligjit nr.45/2015“Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë”, dhe të nenit 111, të Rregullores së Kuvendit, pika 2, gërma ç)

11.Projektvendim “Për zgjedhjen e një anëtari të Autoritetit për Informimin mbi Dokumentet e Ish-sigurimit të Shtetit”. (Neni 78 i Kushtetutës, gërmat “a”,”c” dhe “ç”, të pikës 1, të nenit 8 dhe nenit 9, të ligjit nr.45/2015“Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë”, dhe të nenit 111, të Rregullores së Kuvendit, pika 2, gërma ç)

12.Projektvendim “Për përbërjen e Komisionit të Posaçëm Parlamentar për Realizimin e Reformës Zgjedhore”. (Neni 77, pika 1, e 78, pika 1, të Kushtetutës dhe të neneve 24 e 55, pika 1, të Rregullores së Kuvendit) 13.Projektvendim “Për përbërjen e Komisionit të Posaçëm për Reformën AdministrativoTerritoriale në Republikën e Shqipërisë”. (Neni 77, pika 1, e 78, pika 1, të Kushtetutës dhe të neneve 24 e 55, pika 1, të Rregullores së Kuvendit) 14.Diskutime për çështje jashtë rendit të ditës (60’)

Arena e Lajmit