VIDEO/ Arrestohet 41-vjeçari në Fier, i dënuar dy herë për drogë, kapet me kokainë të ndarë në doza

Një 41-vjeçar është arrestuar në Fier, pasi u kap në flagrancë duke poseduar lëndë narkotike kokainë, të cilën dyshohet se e kishte me qëllim shitjen.

Policia bën me dije se në pranga ka rënë shtetasi E. R., banues në Fier, i dënuar më parë dy herë për veprimtari kriminale në fushën e narkotikëve.

Arrestimi u krye në kuadër të operacionit të koduar “Recidivisti”, nga specialistët e Sektorit për Hetimin e Narkotikëve në Drejtorinë Vendore të Policisë Fier, në bashkëpunim me Forcën e Posaçme “Shqiponja”.

41-vjeçari u ndalua teksa qarkullonte me automjet në qytetin e Fierit. Gjatë kontrollit të automjetit dhe kontrollit fizik, policia gjeti një sasi kokaine, një pjesë e së cilës ishte ndarë në doza të gatshme për shitje.

Në cilësinë e provës materiale u sekuestruan lënda e dyshuar narkotike, automjeti dhe një telefon celular.

Materialet procedurale i janë referuar Prokurorisë së Fierit për veprime të mëtejshme, për veprën penale “Prodhimi dhe shitja e narkotikëve”.



“Arena e Lajmit”

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×