Kreu i Partisë Demokratike, Sali Berisha, në një takim me intelektualë, ka folur edhe në lidhje me sistemin e taksave në vend.
Berisha ka premtuar se në momentin që do të rikthehet në pushtet, PD do të ulë taksat. Ndërsa mënyrën aktuale të taksimit e ka konsideruar si një mënyrë për të zhdukur shtresën e mesme.
“Koncepti i kësaj qeverie për taksën është ndëshkim dhe në kuptimin që siç e shprehu sot në parlament Rama, bordet janë komuniste por të dobishme. Kjo u tha sot para shqiptarëve në Kuvend. Bordet që gjobisin qytetarët dhe rrisin çmimet sipas interesit të oligarkëve janë të dobishëm. Të tatosh me 23 përqind profesionet e lira do të thotë të shkatërrosh biznesin e tyre dhe shtresën e mesme.
Kjo bën që të largohen edhe ata si mijëra mjekë e agronomë. Do të bëjmë gjithçka nëse kemi vota, do të ketë vetëm ulje. Jemi parti e taksave të ulëta. Kemi nisur që në 93. Kodi po të kesh votat shndërrimin në një kod tatimor të palëvizshëm do të ishte një arritje e madhe”, tha ai.
and then