Partizani siguroi vendin e tretë dhe kualifikimin në raundin e parë eliminator të Ligës së Konferencës. Direkt pas pushimeve, llogaritë e të kuqve janë në ndeshjet e këtij kompeticioni, që janë burim i madh të ardhurash.
Klubi i kuq ka mësuar kundërshtarët e mundshëm që mund t’i bien përballë në raundin e parë kualifikues të Ligës së Konferencës. Partizani mund të ketë përballë edhe një mes Llapit dhe Gjilanit nga Kosova. Ekipi i kuq ndodhet në vazon e të fortëve. Rivalët që do të preferonin t’i shmangnin në kampin e “demave” janë finlandezët, boshnjakët apo irlandezët.
Rivalët e dëshiruar do të ishin skuadra nga Luksemburgu, Ishujt Faroe apo Malta. Shorti i raundit të parë kualifikues do të hidhet më datë 14 qershor, teksa ndeshjet do të luhen në datat 7 dhe 14 korrik, kur Partizani do të synojë patjetër kalimin në raundin e dytë.
Arena e Lajmit

Loading…