Anthony Çako, djali i këngëtarëve shqiptarë, Inva Mula dhe Pirro Çakos, është munduar të jetë larg vëmendjes dhe famës së prindërve të tij.
Megjithatë nuk mungon kurioziteti në lidhje me jetën personale të 27-vjeçarit, i cili ka një profil aktiv në rrjetin social Instagram. Ai e ka bërë prej kohësh publike lidhjen e tij me bukuroshen Alice Blue, dhe postimet e përbashkëta me të apo dedikimet romantike janë të shpeshta në profilet e tyre.
Së fundmi çifti me sa duket po kalojnë disa kohë relaksi në Indonezi. Këtë gjë e kanë bërë të ditur përmes postimeve në rrjetet e tyre sociale, ku nuk kanë munguar fotot dhe videot romantike.
Në një foto-album të publikuar në Instagram, Anthony ka ndarë disa foto nga pushimet për ditëlindjen e tij të 27-të.
Në postimin e bërë vihet re fotoja e tij me partneren teksa shkëmbejnë një puthje në buzë, ndërsa më tej ai ka publikuar edhe një tjetër foto të Alice nudo në një pishinë.
Kujtojmë se e dashura e Anthony festoi disa muaj më parë ditën e lindjes dhe nuk mungoi urimi nga ana e muzikantit i cili bëri një postim në Instastory të Alice në një ambient mjaft romantik.
“Vajza e ditëlindjes”- shkroi ai shoqëruar me një zemër.
Martesa e Pirro Çakos dhe Inva Mulës zgjati për 22 vite, ndërsa në mars të vitit 2009, sopranoja paraqiti kërkesën për divorc në Gjykatën e Tiranës. Çifti u nda, ndërsa Inva u martua me Hetem Ramadanin, me të cilin ajo ka një vajzë, Ninën.
and then