“Plotësisht e panevojshme”/ Interneti pyet: Pse është Hillary Clinton në Festivalin e Filmit në Venecia?

Hillary Clinton mund të ketë qenë kandidate për presidente në vitin 2016, ish-Zonja e Parë dhe Sekretarja e Shtetit të SHBA-së, por tani ajo po bën xhiron e industrisë së filmit.

74-vjeçarja bëri një paraqitje të rrallë në Festivalin e Filmit të Venecias të mërkurën dhe pjesëmarrja e saj ka ngjallur debate në Internet, ku shumë përdorues po pyesn pse ajo ishte atje.

Clinton pozoi në tapetin e kuq për premierën e filmit të regjisorit Noah Baumbach në Netflix “White Noise”. Ajo hoqi dorë nga pamja e zakonshme e kostumit të pantallonave dhe në vend të kësaj veshi një kaftan blu dhe këpucë të sheshta.

Shumë nuk e dinë se pse ajo ishte atje, por thuhet se prezenca e saj erdhi për shkak të lidhjes me Netflix. Gjigandi i transmetimit është gjithashtu në krye të dokumentarit të Clinton dhe vajzës së saj Chelsea, “In Her Hands”. Projekti do të jetë i pari nga kompania e re e prodhimit të Clinton, ‘HiddenLight Productions’.

Në mediat sociale, përdoruesit dukeshin të befasuar nga shfaqja e Clinton. “Plotësisht e panevojshme në një epokë të pastrehëve masive dhe vdekjeve,” shkroi dikush në Twitter.

Njëri bëri shaka: “A po mbulon Hillary Clinton Venecia për Indiewire?”

Një tjetër tha: “Hillary Clinton në Festivalin e Filmit në Venecia për asnjë arsye.”

“In Her Hands” do të debutojë në Festivalin Ndërkombëtar të Filmit në Toronto (TIFF) më 9 shtator dhe do të shfaqet në Netflix dhe në kinema të zgjedhura më 16 nëntor.

Megjithatë, një përfaqësues i Netflix zbuloi për ‘Hollywood Reporter’ se ardhja e Clinton nuk kishte asnjë lidhje me dokumentarin. “Hillary ishte e ftuara e festivalit në natën e hapjes. Nuk është puna jonë, por sigurisht, ne po punojmë me të në ‘In Her Hands’”, vuri në dukje përfaqësuesi i Netflix.

Chelsea, 42 vjeç, dhe nëna e saj gjithashtu do të marrin pjesë dhe do të flasin në TIFF më vonë këtë muaj për “Gutsy”.

Dokumentari i Apple TV+ përmban intervista me gra të fuqishme si Megan Thee Stallion, Gloria Steinem, Jane Goodall, Wanda Sykes dhe Amy Schumer.

Sa i përket filmit të zhurmshëm të Baumbach, “White Noise” është një komedi e zezë apokaliptike me Greta Gerwig dhe Adam Driver, e cila do të shfaqet në kinema në nëntor dhe do të transmetohet në Netflix më 30 dhjetor.