Skuadra kampione e Shkupit, ka bërë një lëvizje të zgjuar në merkato, duke afruar mbrojtësin e djathtë Angelç Timovski, që së fundmi ishte pjesë e Shkëndijës së Tetovës.
Pasi shkëputi kontratën me “kuqezinjtë” shumë skuadra u vunë pas futbollistit me origjinë nga Probishtipi, i cili në fund zgjodhi kampionët bardheblu.
Sipas “infosport.mk”, Timovski, kishte refuzuar ofertën mujore prej 2.500 eurove nga Laçi dhe Sileksi, si dhe atë prej 2.000 eurove të Rabotniçkit.
Timovski te kampionët e Shkupit do të jetë një konkurrencë e fortë për Vladica Brdarevskin, por edhe një forcë shtesë për ndeshjet europiane të skuadrës bardheblu nga Çairi. Sezonin e kaluar, mbrojtësi me fanellën e Shkëndijës luajti në 27 ndeshje, duke realizuar edhe 2 gola, ndërsa në total, në elitën e futbollit maqedonas numëron 235 ndeshje ku ka regjistruar 6 gola dhe 23 asiste.
Arena e Lajmit
Loading…
and then