Detaje të reja janë mësuar rreth hetimeve të kryera për vrasjen e 39-vjeçarit Briken Sanaj, mbrëmjen e së dielës tek “Kodra e Diellit” në Tiranë.
39-vjeçari sapo ishte kthyer nga Lezha në Tiranë me makinën e vëllait të tij.
“News24” mëson se pista kryesore e hetimeve është hasmëria dhe bazuar në këtë pistë grupi hetimor ka ngritur dyshime që autorët mund të kenë ngatërruar edhe objektiv pasi 39-vjeçari po udhëtonte me makinën e vëllait.
39-vjeçari është vëzhguar nga autorët prej ditësh duke pasur të qartë edhe itinerarin dhe lëvizjet me makinën tip Audi që përdorej nga 39-vjeçari.
Dyshohet se vrasja është kryer nga vrasës me pagesë. Autorët dyshohet se janë tre persona.
Një person ka kryer ekzekutimin pak metra larg banesës së 39-vjeçarit, ndërsa personi tjetër e priste pak metra poshtë vendit të ngjarjes në rrugën kryesore jashtë rezidencës së “Kodrës së Diellit” me një mjet tip Benz dhe më pas në Qafë-Kashar e kanë djegur mjetin tip Benz, aty ku i priste një person tjetër me një automjet tjetër me të cilin janë larguar.
Arena e Lajmit
and then