Ndarja nga jeta e Mino Raiolës ka sjellë menjëherë reagimet nga bota e futbollit. Futbollistë, drejtues klubesh, apo edhe vetë klube, i janë bashkuar menjëherë ngushëllimeve për menaxherin e njohur italian i cili ka bërë disa nga lëvizjet me të bujshme të dekadës së fundit.
“Mos u tall në Parajsë, ata e dinë të vërtetën”, shkruante presidenti i Juventusit, Andrea Anjeli në një postim në rrjetet sociale për menaxherin e njohur. Ndërkohë, lojtarë që kanë qenë pjesë e grupit që administronte Raiola si Verrati, Dumfrajs apo Boadu kanë shprehur ngushëllimet e tyre, ashtu si edhe babai i Haland, i cili shkruante “Më i miri” për të.
Ndërkohë, i janë bashkuar në ngushëllimet e tyre familjes edhe klube si Milani, Interi e Reali, me të cilët Raiola ka bashkëpunuar shpesh për transferime të rëndësishme lojtarësh. Pavarësisht përplasjeve që drejtuesit e këtyre klubeve mund të kenë pasur me të, ata kanë menduar të nderojnë një figurë që gjithsesi ishte protagonist i botës së futbollit.
Arena e Lajmit
and then