“Pësova një traumë”/ Vajza e këngëtares së muzikës ‘Country’, zbulon momentin shokues kur gjeti të vetëvrarë mamanë e saj

‘Ylli i muzikës Country Naomi Judd vdiq nga një plagë e vetëshkaktuar me armë zjarri’, ka thënë vajza e saj Ashley Judd në një intervistë së fundmi.

“Ajo përdori një armë. Nëna ime përdori një armë zjarri”, i tha Ashley Diane Sawyer në “Good Morning America” ​​ditën e sotme. “Pra, kjo është pjesa e informacionit që ne nuk kishim shumë dëshirë që ta ndanim.”

Ylli i “Double Jeopardy” zbuloi gjithashtu se ishte ajo që gjeti të vdekur nënën e saj.

“Ishte një ditë e trazuar,” kujton ajo. “Unë vizitoj mamanë time çdo ditë kur jam në shtëpi në Tenesi, kështu që isha në shtëpi … dhe mami më tha: ‘A do të qëndrosh me mua?’ Dhe unë thashë: “Sigurisht që do ta bëj”.

“U ngjita lart për ta njoftuar se shoqja e saj ishte atje dhe e zbulova. Kam kaluar një traumë nga ajo që zbulova.”

Ashley, 54, shpjegoi se familja e saj e vendosi që të ndante detaje rreth vetëvrasjes së nënës së saj të ndjerë në moshën 76-vjeçare ,në mënyrë që të jepnin një mesazh në lidhje me shëndetin mendor.

“Kur flasim për sëmundje mendore, është shumë e rëndësishme të jemi të qartë dhe të bëjmë dallimin mes të dashurit dhe sëmundjes,” tha ajo.

Ashley dhe motra e saj, Wynonna Judd, njoftuan më 30 prill se nëna e tyre vdiq nga “sëmundja e shëndetit mendor”.

“Ne jemi të shkatërruara. Po kalojmë në pikëllimin e thellë dhe e dimë se ashtu siç e donim, ajo u dashurua nga publiku i saj. Jemi në një territor të panjohur”, shkruan vajzat në një deklaratë të përbashkët.

Interpretueset nënë-bijë shënuan 14 këngë nr. 1 në një karrierë që zgjati gati tre dekada. Pasi u ngritën në krye të muzikës country, ata e lanë atë në vitin 1991 pasi mjekët diagnostikuan Naomi Judd me hepatit.

Hitet e Judds përfshinin ‘Love Can Build a Bridge’ në 1990, ‘Mama He’s Crazy’ në 1984, ‘Why Not Me’ në 1984, ‘Turn It Loose’ në 1988, ‘Girls Night Out’ në 1985, ‘Rockin’ With the Rhythm of the Rain’ në 1986 dhe ‘Santacalus’ në 1986.

Judds gjithashtu kishin njoftuar së fundmi një turne lamtumire, i pari nga Naomi dhe Wynonna në më shumë se një dekadë.

Naomi ishte hapur për problemet e saj me shëndetin mendor. Gjatë një interviste në “Good Morning America” në vitin 2016, këngëtarja tha se ishte përballur me  “depresioni ekstrem” që e detyroi të izolohej. Ajo shpjegoi se gjendja e saj u përkeqësua pasi ajo dhe Wynonna ndaluan turneun si The Judds në 2011.