Gjykata e Kurbinit vendos masën e sigurisë “arrest me burg” 40 ditë për Alfred Prodanin, Drejtorin e Ujësjellësit të Kurbinit duke iu dhënë kohë autoriteteve që brenda kësaj kohe të bëjnë procedurat për ekstradimin e tij drejt Spanjës.
Prokurori Bardhyl Shehu kishte kërar në gjykatë caktimin e masës së sigurisë “arrest në burg” me afat 40 ditor, masë që është pranuar nga gjykata për t’i lënë kohë në dispozicion autoriteteve spanjolle për të sjellë në Shqipëri kërkesën e ekstradimit të Alfred Prodanit.
Prodani u arrestua tre ditë më parë nga policia e Laçit, pasi dyshohet si pjesëmarrës në gati 40 episode vjedhjesh të apartamenteve në Spanjë.
Ai ishte shpallur në kërkim ndërkombëtar, pasi Gjykata Coruna/Spanjë, në vitin 2013, ka lëshuar urdhër arresti ndërkombëtar, për veprën penale “Vjedhja me dhunë”, parashikuar nga Kodi Penal i Spanjës.
and then