Mediat italiane prej dy ditësh kanë komentuar gjerësisht një lajm të bujshëm për një vizitë të Andri Shevçenkos në Abruco. Në mediat vendase u komentua gjatë se kjo vizitë ishte për dëshirën që kishte ish-sulmuesi i njohur ukrainas për të marrë në pronësi një klub, duke piketuar Peskarën ku aktivizohet Ledian Memushaj.
Por në fakt, gjithçka rezultoi të ishte një ngatërresë e madhe, pasi vizita e Shevçenkos në Abruco nuk kishte si qëllim blerjen e klubit të njohur italian i cili aktualisht militon në Serinë C.
“Rete8”, televizioni lokal, ka mësuar se vizita e Shevçenkos kishte si qëllim vetëm një takim me një okulist shumë të njohur në këtë zonë. Ish-sulmuesi ukrainas ka kërkuar të bëjë një vizitë të specializuar dhe kjo ishte arsyeja e qëndrimit njëditor në Abruco, teksa është kthyer sot pasdite në Milano.
PANORAMASPORT. AL
