Shëndeti i veshkave është thelbësor për mirëqenien tonë.
Problemet me veshkat shkaktojnë sëmundje të tjera kardiovaskulare.
Për fat të mirë ka disa ushqime që i mbajnë veshkat të shëndetshme, falë antioksidantëve që janë armiq të sëmundjeve kronike.
Ndaj është shumë e rëndësishme që të ushqeheni me ushqime të pasura me antioksidantë, të cilat do t’i gjeni në listën e mëposhtme të përpiluar nga AgroWeb.org
Specat e kuq përmbajnë pak kalium por shumë vitamina si C, B6, A, acid folik dhe fibër. Janë shumë të mira për shëndetin e veshkave.
Specat e kuq përmbajnë likopen, një antioksidant që e mbron organizmin nga radikalet e lira.
Specin e kuq mund ta konsumoni bashkë me peshkun ton, mishin e pulës ose në sallata.
Kjo perime është e pasur me fitoushqyes që largojnë radikalet e lira nga organizmi dhe pakësojnë rrezikun e sëmundjeve kardiovaskulare.
Sipas ekspertëve të AgroWeb.org, kjo perime përmban vitaminat K dhe C, fibër, vitaminat B6, dhe acid folik që i mban veshkat të shëndetshme.
Kjo perime miqësore me veshkat është një burim i pasur me vitaminë C, folat dhe fibër.
Ajo ka edhe disa përbërës të rëndësishëm për mëlçinë dhe neutralizon substancat toksike.
Lulelakra konsumohet e gatuar me avull, e zier si edhe përfshihet në sallata.
Lufton inflamacionin dhe kolesterolin. Ajo përmban antioksidantë dhe parandalon mpiksjen e gjakut, duke i ardhur në ndihmë veshkave.
Hudhra përdoret në shumë gatime si me me mish, perime, peshk dhe salcë domate.
Qepët përmbajnë flavonoidë dhe kuercetinë që parandalojnë depozitimin e yndyrnave në enët e gjakut.
Kuercetina është një antioksidant që mban larg sëmundjet e zemrës.
Ekspertët e AgroWeb.org shpjegojnë se qepët janë shumë të mira për veshkat dhe kanë pak kalium.
Ato përmbajnë krom që ndihmon në metabolizimin e yndyrnave, proteinave dhe karbohidrateve.
Një mollë e vetme është burim i pasur fibre dhe substancash që luftojnë inflamacionin.
Ajo largon kolesterolin e keq, shmang konstipacionin dhe sëmundjet e zemrës.
Ky frut i bukur mund të konsumohet edhe si pije e shijshme.
Boronicat përmbajnë anthocianidinë, një antioksidant që largon toksinat dhe inflamacionin.
Ato përmbajnë vitaminë C, fibër dhe mangan. Boronicat bëjnë mrekullira edhe për kockat.
Mjedra përmban një acid që neutralizon radikalet e lira në organizëm.
Luleshtrydhet janë të pasura me antioksidantë, vitaminë C, mangan, fibër por edhe shumë subtanca kundër inflamacionit, që garantojnë shëndetin e zemrës dhe veshkave.
Përbën proteinën më të pastër dhe më cilësore që mund të gjendet në tokë.
Ajo përmban amino acide të rëndësishme dhe pak fosfor që e bën fantastike për shëndetin e veshkave.
Peshku është një burim i pasur proteinash. Rekomandohet që të konsumoni dy ose tre herë peshk në javë.
Peshku përmban acidet yndyrore omega-3 që parandalon radikalet e lira dhe sëmundjet e zemrës.
Peshku është i dobishëm kundër kolesterolit të keq dhe rritjes së nivelit të kolesterolit të mirë.
Vaji i ullirit përmban acid oleik që mbron organizmin kundër oksidimit.
Për më tepër, polifenolët dhe antioksidantët luftojnë inflamacionin dhe mbajnë veshkat të shëndetshme.
Nëse i kushtojmë trupit më shumë vëmendje se bukurisë së jashtme, do të ndihemi dhe do të dukemi më mirë se kurrë.
Shëndeti i veshkave është thelbësor për një organizëm të shëndetshëm dhe jetë të qetë./AgroWeb.org
