Kreu i Partisë Republikane Fatmir Mediu me anë të një postimi në rrjetet sociale ka zbuluar temat që janë diskutuar në takimin e kryesisë së kësaj force politike.
Mediu zbuloi se pas takimit të mbajtur, forumi i Gruas Republikane bëhet anëtare me të drejta të plota të IWDU, ndërsa Rinia Republikane do bëhet anëtare me të drejta të plota së shpejti.
Sakaq, Mediu shkroi se bashkimi i Partisë Demokratike në një kandidat të vetëm është jo vetëm interes politik i tyre apo opozitës, por interes kombëtar përballë regjimit antikushtetues dhe antinjerëzor të pushtetit të sotëm.
Postimi i plotë:
Takim me kryesinë e Partisë Republikane në përgatitje për zgjedhjet lokale, aktivin e gruas, aktivin e rinisë dhe Kongresin e Partisë Republikane.
Mbas takimit të IDU në Washington, forumi i Gruas Republikane bëhet anëtare me të drejta të plota të IWDU, ndërsa Rinia Republikane do bëhet anëtare me të drejta të plota së shpejti.
Partia Republikane do të mbështesë daljen e opozitës me një kandidat të vetëm dhe daljen me lista të vecanta të këshilltareve të partive opozitare.
Është e rëndësishme bashkëpunimi i këshilltarëve me kandidatët për kryetar Bashkie
Bashkimi i PD në një kandidat të vetëm është jo vetëm interes politik i PD apo opozitës, por është interes kombëtar përballë regjimit antikushtetues dhe antinjerëzor të pushtetit të sotëm